Текст песни
EM SEVERSİÑ
Em seversiñ, em sevmezsiñ,
Aqşam olsa kelmezsiñ.
Sırıñnı maña söylediler -
Sen başqasın seversiñ...
Dere taştı, keçilmez, aman,
Suvu bulanıq, içilmez.
Sevdim seni uzaqlardan,
Yar, senden vazgeçilmez.
Dağlar qarlı, keçemem, aman,
Suvu salqın, içemem,
Yar sevmesi eglencedir,
Asretiñni çekalmam
Bağça-bağçadan kezersiñ,
Gül çiçekler üzersiñ.
Men saña yarem dedikçe,
Közleriñni süzersiñ.